Minister for Religious Affairs Noor ul Haq Qadri caled on Prime Minister Imran Khan in Islamabad (06.11.18)

Minister for Religious Affairs Noor ul Haq Qadri caled on Prime Minister Imran Khan in Islamabad (06.11.18)
#PrimeMinisterImranKhan

وزیرِ اعظم عمران خان نے کہا ہے کہ انھیں ریاستِ مدینہ کے قیام کے لئے علمائے کرام اور دینی طبقات کی مشاورت کی ضرورت ہے اور اس مقصد کیلئے وہ مشائخ اور علما کے ساتھ خود مسلسل رابطے میں رہیں گے۔

انھوں نے یہ بات مذہبی امور کے وفاقی وزیر نور الحق قادری سے گفتگو کرتے ہوئے کہی جنہوں نے اسلام آباد میں ان سے ملاقات کی۔

وزیراعظم عمران خان نے کہا کہ ہم پر امن اسلام کے تشخص کو پوری دنیا کے سامنے پیش کرنا چاہتے ہیں۔ حضور ﷺ کی سیرت طیبہ کے پیغامِ رحمت کو اپنی آئندہ نسلوں تک پہنچانا ریاست کی ذمہ داری ہے۔ آئندہ 12ربیع الاول کو شایانِ شان طریقے سے منایا جائے گا جس کے سلسلے میں تمام صوبوں کو ہدایات جاری کر دی گئی ہیں۔ اسلام آباد میں دو روزہ بین الاقوامی ختمِ نبوت کانفرنس کا اہتمام کیا گیا ہے جس میں امامِ کعبہ، جامعہ الاظہر کے وائس چانسلر، شام کے مفتی، عراق اور تیونس کے علماکرام حضورﷺ کی سیرتِ مبارکہ پر روشنی ڈالیں گے۔ سیرتِ مبارکہ ﷺ کے حوالے سے وزیرِ اعظم کی ہدایت پر تحقیقی اور تصنیفی کام کو حکومت کی سرپرستی میں فروغ دیا جائے گا اور اتحادِ امت اور بین المذاہب ہم آہنگی کی مہم کو تیز کیا جائے گا۔

مذہبی امور کے وزیر نے وزیرِ اعظم کو موجودہ صورتحال سے آگاہ کیا۔ ملاقات میں وفاقی وزیرِ اطلاعات چوہدری فواد حسین بھی موجود تھے۔